自60年代起家的老牌地產商裕泰興，歷經香港近半個世紀的地產市道盛衰，至今依然屹立不倒，自然有其投資之道。熱愛電影，集文化生意人於一身的裕泰興新一代掌舵人羅守耀（人稱「九叔」的集團創辦人羅肇唐之子），秉承九叔審慎理財的投資原則，令公司持盈保泰之餘，也能得以持續發展。
「『九叔』的管理方針簡單，加上佢比較知足，唔會借好多錢去買好多口野，只要足夠就可以，唔會飽死，亦會知驚，唔會食到盡！」置身低息世代，他認為不要以為利息好低就走去大舉借錢，用高槓桿投資，同去澳門賭大細差唔多。
香港什麼都講求創新、夠「in」，連地產商都不例外，樓盤68樓一跳已至88樓，以破天價博取市場注意，變相成為樓盤銷售策略。相對而言，裕泰興卻顯得穩重保守，從公司總部設於樓齡較高的中環威享大廈，而非在毗鄰由羅守耀兄弟羅守輝及有關人士發展的大道中100號玻璃幕牆商廈已可見一斑。
融資他人炒樓 曾受教訓
近年慢工出細貨的裕泰興，1997年前除了賣樓外，亦為買家提供另類借錢買樓的渠道。「94至95年樓市好景時，銀行借錢條件較家辣好多，我口地就藉住呢個時機，做咗好多按揭生意，仲借埋錢畀當時唔喺買我口地發展嘅物業買家……1997年前樓市好景，賣了好多樓，資金回籠後缺乏出路，唯有發展按揭貸款業務。」
事實上，1997年前多家地產商，如恒地、南豐、華懋等亦有自己財務公司，為樓盤買家提供按揭貸款，除有助樓盤銷售外，亦可賺取豐厚的按揭利息收入。「當時借畀阿B（藝人鍾鎮濤）都成10幾厘息，點知樓市97年後逆轉，原來以為好好賺嘅生意都可以有咁大風險。」結果鍾鎮濤最終因炒樓破產，裕泰興亦因此受到教訓。
「時移世易，家銀行口的息咁平，仲邊到有人向我地借錢買樓，反而以前借落買樓個口的客，因為銀行息口太低，贖樓轉按嘅客多咗。」
預留子彈 淡市掃平貨
裕泰興秉承九叔的審慎理財原則，即使遇到97年亞洲金融風暴、03年SARS，以及去年爆發的全球金融海嘯，公司仍然安然渡過難關。「唔好以為利息好低就走去大舉借錢，用高槓桿投資，咁樣做同去澳門賭大細差唔多……我口地管理方針簡單，不作太多投機，預留定資金，以便喺市差執平貨，呢一種公司管理，用於個人物業投資，其實亦同出一轍。」他提醒市民，若一旦進入加息期，每月供款將會大幅上升，買樓務必量力而為。